| 成個月冇打日記啦~ 我都差D唔記得左自己呢個XANGA (汗) 呢個7月真係好忙好忙, 自己又懶得逐日打喎~ hea下hea下已經8月了…….. 06 JUL 2009 (MON) 今晚係AGS飯聚, 有3A (包括我, ANGELA 同ALICE)、阿暉同阿奇(哥哥). 本來諗住約埋MIYUKI嫁~ 不過佢要考試就唔阻佢溫書了(雖然唔知個傻婆係唔係真係咁勤力喇XDDDD) 我地去左荃灣食扒, 抵食夾大件^^
08 JUL 2009 (WED) 小學+中學同學之夜. 經我三寸不爛之舌既功力, 成功地”tum”到小潔同我一齊去小君度做FACIAL, 實行”起雙飛”哈哈哈 “起”完之後就等埋小君一齊去搵阿健, 今晚係壽司餐^^ 可惜阿布0來唔到, 唔係一定仲好笑…….. 11 JUL 2009 (SAT) 長隆之旅1ST DAY: 放工就同YUNG 沖去中港城M記, 買左LUNCH 先上船. 約2個鍾度到達蓮花巷, 竟然落大雨=_=’’ 架SHUTTLE 勁耐, 仲要坐車尾, 好在食得唔係好飽. 去到新長隆酒店就CHECK IN先, 參觀完YUNG 間房就拎埋D行李上BELL BELL 間房. 上到去已經唔想再拎D野去GLECY 0個邊, 所以就臨時決定0係BELL BELL 房打地舖. 因為YUNG 要去睇大馬戲, 我之前已經睇過, 所以就同BELL BELL 佢地去食buffet. 我地去左四海一家食, 本來有訂到位, 不過有人俾錯電話NO. BOOK 錯分店, 所以到最後我地都係WALK IN 等位. 雖然話一夠鍾就拎”飛仔”, 但都等左起碼半個鍾先入得. 等緊既時候我地去左隔離既OUTLET 睇野, 都唔係平香港好多姐………
 
感覺上同”大飽口福”差唔多, 都係咁多野食、都係有”專人”整野食. 價錢就同香港一般既酒店buffet 差唔多, 係唔係物超所值就見仁見智了…… 食飽飽就返酒店換泳衣去浸水, 估唔到間房同泳池差咁遠, 玩之前行去都還好. 玩完之後濕住咁返房就凍到PK. 返到房之後都冇再出去, 沖完良就等頭乾+訓. 12 JUL 2009 (SUN) 長隆之旅 2ND DAY 朝早起身換衫後就去食早餐, 個場勁大, 我諗應該可以容納到幾百人. 因為BELL BELL 佢地比我同YUNG 早一班船走, 所以食完早餐BELL BELL 就去左水上樂園先, 我同YUNG & 佢BF 就遲少少先入去. 唉~ 真係一個錯誤既決定, 估唔到YUNG 真係咩都唔玩, 我自己一個又玩唔到. 就連最出名既大喇叭都因為冇人陪我玩而得個望字, 好無奈…
   
整個水上樂園既行程就係行+影相, 有玩到飄流, 我自己就玩左個滑梯. 到3點幾4點就沖良換返衫返酒店等巴士返碼頭, 雖然唔係玩左好多野, 但太陽伯伯笑得實在太”開心”了, 囇到個人好累…… 返到屋企就沖良訓了. 13 JUL 2009 (MON) 今晚約左久違既小學同學---欣DINNER@和民, 差唔多食完之制小君打俾我RECFM 生日飯既事. 跟住問欣有冇興趣JOIN 埋一齊食, 佢話好, 就係咁我既小學同學網又多人了^0^
14 JUL 2009 (TUE) 今晚同哥哥、媽媽約左家姐、伯娘打邊邊@稻香補食生日飯, 超爆笑既飯局, 家姐+哥哥根本就係搞笑二人組! 再加埋媽媽&伯娘, 見到家姐同伯娘既對答真係好好笑, 相信假以時日我地同媽媽都會咁XDDDDDDDDDD 多謝家姐呢一餐, 超滿足, 下次輪到我地喇^^ 18 JUL 2009 (SAT) 請左假參加MACY 既船P, 上一次既船P已經係3年前既HKTT船P了. 其實都有D擔心, 因為除左MACY 其他人我一個都唔識, 只係上堂既時候見過下, 連招呼都未打過=_=’’ 比平時返工仲要早起身, 由於唔識0係黃大仙0個頭搭車入去西貢, 所以就叫左我既”私家車”- 老豆車我入去. 0係荃灣食完早餐後就入去, 真係好貴>< 入到西貢幾驚最遲既係我, 好在唔係姐, 我唔想俾人踢落水, 哈哈 大約有2X人, 雖然同大家都唔熟, 有D之前未見過tim, 但氣氛都唔錯. 出到海停低左就有幾個人出去潛水+捉海鮮加餸, 隔左一陣第一批玩滑浪既人就出發. 而我就同其他人 & MACY 0係船上吹水、影相、囇太陽…… 當中有一個姐姐係做酒店既MARKETING, 雖然佢係講普通話但英文好好, 自問英文唔多掂既我當然係同佢”煲冬瓜”喇XDDDDD
 
開頭我真係唔敢落水嫁~ 自從細個0係海度遇溺過一次之後, 去親海灘都唔會行遠. 今次見到深不見底既海, 更加唔洗諗. 不過見到其他人玩得咁開心, 自己又換哂泳衣, 唔落水好似好蝕咁. 所以就膽粗粗咁攬實個水泡跳落去, 真係佩服自己既勇氣, 唔知係唔係冇牽掛所以咁大膽呢? 嘻嘻~  
LUNCH 係船家自家製, 正! (指頭) 食完到第二批滑浪TEAM出發, 玩左一陣水有人提議搶灘, 所以就同佢地一齊沖過去. 可惜浮到一半我就想放棄了, 但眼見離隻船又遠, 識游水既人已經游到好遠, 當時真係又驚又無助. 幸好不遠處有位男士, 我見佢想起步游過去, 我即刻叫住佢”唔好”tum”低我, 我唔識游水嫁~~” 佢問我坐唔坐到上個水泡, 當第一次坐既時候竟然翻左, 即沈! 好在佢即時”逗”起我, 不過都飲幾啖海水, 爆咸><(伸舌) 抖左一陣再試多次OK! 佢一邊游一邊推我過去, 真係辛苦哂! 差唔多去到個灘, 到左既人話好”吉”腳唔好上去, 所以影完相就返上船, 今次係坐獨木舟, 當然我係負責坐+平衡唔好落水就OK了.
我冇諗過玩滑浪的, 不過俾人說服下就SAY YES了=_=’’ 我地係第4批, 不過… 當第3批差不多玩完既時候電台宣佈”3號風球現正懸掛”, 所以我既滑浪體驗係取消的!!!!!!!! 3號風球底下返去西貢, D浪大到哩~~ 好玩過海盜船, 無驚無險地到達碼頭. 同MACY佢地SAY BYE 後就搭車小巴再轉MTR去BELL BELL 屋企裝身準備第二場 --- B’DAY PARTY IN TST. 大約9點幾度出發去TST, THX 爸爸車我地出去. 我同BELL BELL 係最先到的, 之後就係比比約既人. KEN KEN 同CARMEN 都有0來, 去得BAR場就當然係砍酒、猜”妹”、玩骰”中”既時間啦~ 都有人唱K, 不過D歌越唱越舊, 舊到懷疑緊首歌出既時候我出左世未(爆汗) 到宣佈8號風球既時候, 哥哥打0來叫我搭尾班車返屋企. 但當時連蛋糕都未切, 身為主角之一既我點可以走呢? 切完蛋糕, 飲到wing wing 地, 頂唔順好眼訓就同KEN KEN & CARMEN 一齊走.
   
原來已經9號風了! 所有公共交通工具都冇, 打去問老豆既車隊, 折左要額外加$100 俾司機, 真係好過去搶! 正當煩惱緊好唔好去CARMEN 度留宿之際, KEN KEN 打去問佢個的士朋友, 佢好好人, 睇錶價加$30 姐, 就算等半個鍾都等! 首先車左KEN KEN & CARMEN 返屋企先 (鬼叫我住咁遠=_=”), 跟住先返屯門. 點知汀九橋封左, 要兜返上屯門公路先得. 0係隔離村落車(因為司機哥哥驚入到村出唔返), 計數既時候佢收少左我, 真係勁唔好意思, 但佢同我話”唔緊要啦~ 我而家返出去到驚, 你快D返屋企, 你乖喇~) 哈哈~ 好大哥哥FEEL~~ 急步行返屋企既時候見到周圍都係樹枝, 幾驚會”林”樹(抖) 返到屋企拿拿聲沖良換衫, 成個人暖哂~~~ 19 JUL 2009 (SUN) 是日”當機日”, 訓到2點幾先起身, 一起身即刻打去整指甲0個度. 是關第二次幫我整0個個女仔整得超唔掂, 又有裂痕又磨得唔平, 唔平到整損左隻手tim! 打到去個女仔第一句就話打左俾我成半個鍾都搵唔到我, 我已經解釋左我熄左電話, 但佢都仲好似錄音機咁不斷講返呢句說話. 問到最後話因為搵我唔到, 今日又FULL 左BKG, 我呢個優惠又唔可以XTND, 所以到最後我係超火爆地CUT 佢線! 各位LK 朋友仔注意呀!!! 地點係惠康0個邊間眼鏡舖隔離既美容店, 唔係話佢係黑店, 不過超冇人情味囉!!!!!!!! 如果唔係之前佢地整得咁差、咁衰, 我根本唔需要再約時間整過! 炆死我!!!!!!!!! 生日週 20 JUL 2009 (MON) 休息左成日星期日都好似唔多夠咁, 返工0個時都係呆下呆下. 放工之後就同CROSS & 詻詻一齊搭車去葵芳DINNER, 終於都食到之前大排長龍既店, THX KEN KEN幫我地霸位^^ 我地一行8人(我、敏敏、HOI KI、CARMEN、KEN KEN、CROSS、詻詻) 食左好~多野. 食完就起行去新都會睇哈利, 都未試過一次過同咁多FD去睇XDDDDD 套戲SO FAR 都OK既~ 都係0個句啦~ 電影得2-3個鍾, 要交代成本書既事根本冇可能. 不過D重要既情節都有講到, 尚算可以啦~ 今晚又成2點幾先訓……........ 21 JUL 2009 (TUE) 再一次小學+中學同學之夜, 同埋係我既生日飯^^ 放工後就同欣邊行邊等, 見到後小潔開始漫無目的地逛. 行左個幾鍾見時間差唔多就上去青葉等位+等人. 本身仲已經拎左”飛仔”, 但都等左幾耐下先有位. 坐低左已經急不及待地叫野食, 超肚餓, 邊食邊等人. 正如小君咁講, “生日快樂”好似變左入場費咁XD 個個一0來到第一句就係“生日快樂”, 好開心^^ 到底邊D係小學同學呢? 有: 我、小君、欣、民健 & 阿布; 而中學同學就除左欣之外. 真係好奇妙, 一年之前都淨係得我地3個傻婆定期相約生日/慶祝生日. 一年後既而家多左欣、民健同阿布, 唔知呢個小學同學網仲有冇得擴大呢???
 其實當小潔話佢事先去左拎”飛”我已經覺得奇怪, 依佢咁鬼懶既性格邊會咁做. 真係俾我估中佢地買左蛋糕, 仲要係我愛食既”天使蛋糕”! 好正, 不過美中不足既地方係玩唔到條朱古力條, 仲要上演左一幕唔太噁心但好爆笑既便便戲碼, 感謝民健 & 阿布既旁白, 哈哈哈~~~ 
22 JUL 2009 (WED) 今日輛到AGS朋友仔, 早一個星期前阿暉已經約左我, 算佢醒目, 約遲D都應承唔到佢! 本來ALICE 都去的, 不過佢話唔舒服所以最後得我、ANGELA、阿暉同佢女友去左MK 唱K. 個K BUFFET 差左好多, 今次係唱多過食, 到9點幾就散場. 去左影貼紙相, 對上一次影都唔記得左幾時了…  
24 JUL 2009 (FRI) 今日同事們同我LUNCH預祝生日, 12點幾打俾YING YING, 佢話唔去, 真係唔開心嫁~ 鬼叫佢之前話放假都會出0來同我食飯, 而家又放我飛機! 點知個傻婆玩驚喜, 當我地去到PIZZA HUT 冇幾耐佢就出現.  
25 & 26 JUL 2009 (SAT) 今年生日冇請假, 因為只係返半晏, 請假覺得好蝕>< 一返到公司就見到一個疑似鞋盒既盒0係我枱面, 係BELL BELL 佢地送俾我的. 佢地要我即場試對鞋(果然係鞋盒)同件衫, 頓時覺得自己係人肉BABBIE (笑), 多謝你地呀~ 多得呢對鞋我高左好多, 唔洗駁骨喇XDDDDDDDD 
放工之後就去左MK捐血. 個護士姐姐好好笑, 見到我張捐血卡咁準時, 周圍拎俾D同事睇, 好似奇景咁XDDDDDD 捐完血打俾敏敏, 佢仲OT緊, 重點係唔知幾時搞掂. 無奈地自己一個入去貝澳先, 間屋既路徑同我之前HKTT 住既差唔多… 去到放低行李就換衫去海灘玩+影相, D沙超黑, 因為淨係換左上身, 所以都盡量遠離袁生佢地XDDDD 玩到6點幾就返去了, 返到去hea 左陣敏敏同CARMEN 終於到左. 而KEN KEN 佢地亦都開始準備BB蕉, B 左一陣就俾港男吸引住, 真係一班”鴨仔”>< B左一半就開始玩+飲, 不過我係一時睇電視, 一時就”鼠”出去玩. 玩玩下隔離爐又玩埋一份, 原來佢地識KEN KEN 個FD, 世界真係細. 佢地知道我生日, 請左我食蟹, 正!    
原來HOI KI佢地準備左個蛋糕, 我明明有開雪櫃嫁~ 點解我見唔到既呢? 唔通放左0係冰格? 佢地仲準備左D整估人既蠟燭, 我嫁唔出喇~ 點算? XDDDDDD 食完蛋糕又出左去玩左陣先沖良, 沖完就同HOI KI佢地玩猜猜畫畫, 好爆笑. 不過我D畫功真係超差, 下次都係負責估/做動作算了……… 
本來話等睇日出既, 不過原來離睇日出既地方好遠, 所以就放棄左. 而我呢個睡寶寶真係到極限了, 訓左. 不過都只係訓左幾粒鍾就醒, 梳洗完就出左去食早餐. 洗完見到BB蕉爐已經執好哂D野, 真係唔好意思>< 
出到去東涌, KEN KEN 佢地就各散, 而我同HOI KI佢地就飲埋茶先返屋企. 好累好眼訓 
31 JUL 2009 (FRI) 今日係哥哥牛一, 佢話正日要留返俾屋企人喎~ 所以一放工就沖返入TM元綠, 本來諗住買蛋糕嫁~ 但媽媽話冇哂D細個蛋糕, 公司附近又冇靚既, 所以就買另類”蛋糕”俾佢. 哥哥, 我遲D整過個蛋糕俾你補數喇~ |
